देविघाटमा बस र टिप्पर ठोकिँदा चार जना घाइते

विदुर खबर २०७९ जेठ ११ गते १९:२१

नुवाकोटको विदुर नगरपालिका वडा नम्बर ५ देविघाटमा बस र टिप्पर ठोकिँदा चार जना घाइते भएका छन ।

Advertisement

रसुवाको नौकुण्ठ गाउँपालिकाको पार्चेङबाट काठमाडौँतर्फ जाँदै गरेको बा ४ ख २२५९ नम्बरको बसले बा ४ ख ७७७२ नम्बरको टिप्परलाई पछाडिबाट ठक्कर दिएको हो ।

केरुङ यातायात प्रालिको वसले अनियन्त्रित भई टिप्परलाई ठक्कर दिँदोे बसमा सवार चारजना घाइते भएको प्रहरी चौकी देविघाटले जनाएको छ ।

Advertisement

घाइते हुनेहरुमा रसुवाको नौकुण्ड गाउपालिका वडा नं ८ का ३५ वर्षीय धनबहादुर गुरुङ, नौकुण्ठकै वर्ष २७ का दावा मिजार, वर्ष ९ का बुद्ध घले र नुवाकोटको बिदुर नगरपालिका वडा नम्बर ५ का १९ वर्षीय सागर कुमाल रहेको प्रहरीले जनाएको छ । ।

घाइतेहरुमध्ये एकजनाको अवस्था गम्भीर रहेको प्रहरीले बताएको छ । घाइतेहरुको त्रिशुली अस्पताल त्रिशुलीमा उपचार भइरहेको छ । बस चालक ककनी गाउँपालिका वडा नं ६ का शुक्रबहादुर तामाङ र टिप्पर चालक धादिङको गल्छी गाउँपालिका वडा नं ८ का सानुकान्छा लुङ्गेली मगर प्रहरीको नियन्त्रणमा रहेको प्रहरीले जनाएको छ ।

Advertisement

घटनाको अनुसन्धान भइरहेको प्रहरीले जनाएको छ ।

प्रतिक्रिया