नुवाकोटमा मतदान शुरु

स्थानिय तहमा नयाँ नेतृत्व चयनको लागि नुवाकोटमा मतदान शुरु भएको छ ।
।

विहान ७ बजे मतदान शुरु हुने भनिएपनि जिल्लाको केही स्थानमा साढे ७ बजेपछि मतदान शुरु भएको हो । जिल्ला निर्वाचन कार्यालय नुवाकोटले सबै मतदान केन्द्रमा मतदान शुरु भएको जानकारी दिएको छ ।

जिल्ला निर्वाचन कार्यालय नुवाकोटका प्रमुख जयप्रसाद गौतमले जिल्लाको सबै मतदान केन्द्रमा शान्तिपुर्ण तरिकाले मतदान भइरहेको जानकारी दिए ।

जिल्लामा १ सय ३२ मतदानस्थल र २ सय ८७ मतदान केन्द्र रहेको छ । मतदान गर्न मतदाताहरु उत्साहपुर्ण तरिकाले लाइनमा बसीरहेका छन्

दुई नगरपालिका र १० गाउँपालिका रहेको नुवाकोटको ८८ वट्टै स्थानिय तहमा शुक्रवार निर्वाचन हुँदै छ । स्थानिय तहको निर्वाचनमा नुवाकोटमा ४ सय ६४ जनप्रतिनिधिको लागि १९ सय ८८ जनाले उम्मेद्धवारी दिएका छन् ।