नुवाकोटमा निर्वाचनको सबै तयारी पुरा

विदुर खबर २०७९ वैशाख ३० गते ६:१८

स्थानिय तहको निर्वाचनको लागि नुवाकोटमा सबै तयारी पुरा भएको छ ।

Advertisement

जिल्ला निर्वाचन कार्यालय नुवाकोटले सबै मतदान केन्द्रमा निर्वाचनका लागि तयारी पूरा गरेको जनाएको हो । जिल्ला निर्वाचन कार्यालय नुवाकोटका प्रमुख जयप्रसाद गौतमले निर्वाचनको तयारी पुरा भएको जनाएको छ ।

जिल्लामा १ सय ३२ मतदानस्थल र २ सय ८७ मतदान केन्द्र रहेको छ । ती केन्द्रमा चाहिने मतपेटीका, मतपत्र, छेकबार, स्वस्तिकछाप, मसी, कलम, टेप, छाप लगाउने प्याड, साइन पेन, डोरी, मास्क, सेनीटाइजर लगायतका सामाग्री मतदान स्थलमा पुगीसकेका छन् ।

Advertisement

यस्तै मतदान केन्द्रमा मतदान गर्न लाइन बस्ने स्थान, गोप्य मतदान स्थान समेत तयार गरिसकिएको छ । मतदानस्थलमा नेपाल प्रहरी,सशस्त्र र म्यादीले सुरक्षा दिएका छन् ।

दुई नगरपालिका र १० गाउँपालिका रहेको नुवाकोटको ८८ वट्टै स्थानिय तहमा शुक्रवार निर्वाचन हुँदै छ । स्थानिय तहको निर्वाचनमा नुवाकोटमा ४ सय ६४ जनप्रतिनिधिको लागि १९ सय ८८ जनाले उम्मेद्धवारी दिएका छन् ।

Advertisement

नुवाकोटमा २ लाख २१ हजार १६१ मतदाता छन ।

प्रतिक्रिया