विदुरमा हामी वलियो छौ : गठबन्धन दल

नुवाकोट । स्थानिय निर्वाचनमा नुवाकोटमा ठुला राजनितिक दलहरुबिच को ठुलो हुने भन्ने तिव्र प्रतिष्पर्धा रहेको छ ।

देशको झण्डै एक तिहाइ स्थानिय तहमा सत्तन दलहरुबीच चुनावी गठबन्धन भएको छ । नुवाकोटमा पनि पुर्णरुपमा कुनै स्थानिय तहमा चुनावी गठबनधन नभए पनि नेकपा एमालेले जितेको तिन स्थानिय तहमा गठबन्धन भएको छ ।

गठबन्धन दलसहित निर्वाचनमा होमिएका नेपाली कांग्रेस। नेकपा माओवादी केन्द्र र एकिकृत समाजवादीले विदुर नगरपालिका, बेलकोटगढी नगरपालिका र तारकेश्वर गाउँपालिकामा गठबन्धन गर्ने निर्णय गरेका छन् ।

गठबन्धनका यि दलहरुहरुलाई तीन स्थानिय तह प्रतिष्ठाको विषय बनेको छ । विशेष गरि गठबन्धनका दल र नेकपा एमालेले विदुरलाई बढी महत्व दिएर प्रचारप्रसार गरेको देखिन्छ । जिल्लाको सदरमुकाम भएको कारण दलहरुले विदुरलाई महत्व दिएका हुन् ।

विदुरमा एमालेले विगतमा सधै जितेको कारण विदुर नगरपालिका गठबन्धनको नजर विदुरमा बढी परेको छ । विगतमा तिनपटक विदुर जितेको एमालेलाई विरासत कायम गर्ने चुनौती देखिएको छ ।

तर विदुरमा गठबन्धनका दलहरुले आफ वलियो रहेको दाबी गरेका छन् । २०७४ सालको स्थानिय तहको मतगणना अनुसार गठबनधन दलहरु वलियो रहेका छन् ।

विदुरमा गठबन्धनको तर्फबाट नेपाली कांग्रेसका राजन श्रेष्ठ मेयर र माओवादीकी नेतृ प्रभा बोगटी उप–मेयरमा चुनावी मैदानमा होमिएका छन् । यस्तै एमालेको तर्फबाट मेयरमा सञ्जु पण्डित र उपमेयरमा अम्बिका पौडेले प्रतिष्पर्धामा उत्रिएका छन् ।

नेपाली कांग्रेस नुवाकोटका जिल्ला सभापति रमेशकुमार महतले गठबनधन भएको स्थानमा गठबनधन दलहरु वलियो रहेको र अन्य स्थानमा कांग्रेस वलियो रहेको बताए ।