५ वर्षमा गरेको काम नै मेरो जितको आधार : रिमाल

नुवाकोट । नेपाली कांग्रेस नुवाकोट जिल्ला कार्य समितिका सदस्य तथा गठबन्धन दलको तर्फबाट वडाध्यक्षका साझा उम्मेदवार बद्री रिमालले विदुर ३ को वडाध्यक्षमा आफ्नो प्रतिष्पर्धा कसैसँग नभएको बताएका छन् ।

विदुर खबरसँग कुराकानी गर्दै रिमालले ५ वर्षसम्म वडाध्यक्षको रुपमा वडामा गरेको कामको जनताले मुल्याङ्कन गर्ने भन्दै वडाध्यक्षमा आफ्नो कोही प्रतिष्पर्धी नरहेको बताएका हुन् । उनले वडामा ५ वर्षसम्म गरेका कामहरुको निरन्तरता लागि पुन ः वडाध्यक्षको उम्मेद्धवार रहेको समेत जिकिर गरे ।

उनले विदुर ३ को वडाध्यक्षको रुपमा विगत ५ वर्षमा गरेका कामहरु नै आफ्नो विजयको आधार रहेको बताए । रिमालले आफ्नो सबै भत्ता असहाय र गरिबीको कारण शिक्षामा समस्या भएका तथा आर्थिक कारणले उपचारमा समस्या भएकाहरुको हितमा प्रयोग गरेका थिए ।

उनले राज्यले प्रदान गरेको अधिकारी र कर्तव्यको दायरामा रहेर वडाभित्र बिकास निर्माणलाई उच्च प्राथमिकतामा राखि बिपक्षी पार्टिको नगरदेखि केन्द्रसम्म सरकार रहेपनि प्रदेश र केन्द्र सरकारबाट बिदुर नगरपालिका वडाहरु मध्येमा धेरै बजेट ल्याउन सफल भएको बताए ।
रिमालले वडामा ब्यबस्थित खानेपानि,शिक्षा,स्वास्थ्य,मोटरबाटो,गोरेटोबाटो,सिचाई लगाएतको कार्यहरु उल्लेखनीय रुपमा अगाडी बढाएको बताए । उनले कोरोनाको समयमा वडाभित्रका स्थानियलाई जुनसुकै समयमा आफ्नो सवारीसाधनमा र आफैले आर्थिक रुपमा ब्यहोर्ने गरेर ईमर्जेन्सी परेका असहाय बिरामीको उपचारको लागि सहयोग गरेका थिए ।

स्थानियको चाहना अनुसार केही ब्यक्तिगत आर्थिक सहयोगमा मठ–मन्दिर लगाएतको धार्मिक र सांस्कृतिक सम्पदाको समंक्षण गराउने पहल उनले गरे । वडाको कृषि उपजलाई कृषि सहकारि मार्फत बजारिकरण तथा ब्यबस्थापनको लागि उनले पहल गरेका थिए ।

वडामा चाहादाचाहादै अझै धेरै काम गर्न नसकिएको भन्दै रिमालले आगामी ५ वर्षमा वडामा उद्योगधन्दा स्थापना गरि स्थानियलाई रोजगारी दिने लक्ष्य रहेको बताए । उनले स्थानियको माग र आवश्यकताको पहिचान गरि वडामा विकास निर्माणको काम गर्ने लक्ष्य रहेको बताए ।

आगामी ५ वर्षमा वडाको विकासका लागि नगरपालिका, प्रदेश सरकार र केन्द्र सरकारसँग थप समन्वय गरि विकास मार्फत वडाको मुहार फेर्न लागिपर्ने उनले बताए । उनले आफुले जनप्रतिनिधि हुँदा गर्न बाँकी रहेका अधुरा योजनाहरु सम्पन्न गर्न पनि आफ्नो नेतृत्वको टिमलाई जिताउन आवश्यक रहेको बताए ।

राजनीतिलाई पेशा बनाउनेहरुबाट समाजलाई मुक्त राख्न गठबन्धन दलका उम्मेद्धवारहरुलाई विजयी गराउनुपर्ने तर्क रिमालले गरेका छन् ।२०७४ सालमा सम्पन्न भएको स्थानिय तहको निर्वाचनमा पुरै नगरपालिकामा कांग्रेस पराजय हुँदा रिमालले भने विदुर ३ मा नेपाली कांग्रेसको झण्डा फहराएका थिए ।

विदुर ३ मा नेपाली कांग्रेस, माओवादी केन्द्र र एकिकृत समाजवादीका साझा उम्मेद्धवार रहेका रिमालले २०७४ सालमा सम्पन्न भएको स्थानिय तहको निर्वाचनमा एक हजार २५ पत प्राप्त गरेका थिए ।