नेकपा एमाले नुवाकोटका जिल्ला कमिटि सदस्य कांग्रेस प्रवेश

नुवाकोट । नेकपा एमाले नुवाकोटका जिल्ला कमिटि सदस्य तथा विदुर ५ का निर्वाचित वडा सदस्य शिववहादुर कुमाल नेपाली कांग्रेस प्रवेश गरेका छन् ।

उनलाई आईतवार नेपाली कांग्रेसका केन्द्रिय सदस्य तथा प्रतिनिधिसभा सदस्य बहादुरसिंह लामा र नेपाली कांग्रेसका जिल्ला सभापति रमेश कुमार महतले टिका लगाएर नेपाली कांग्रेस प्रवेश गराएका हुन् ।

२०७४ सालको स्थानिय निर्वाचनमा नेकपा एमालेबाट विदुर ५ बाट वडासदस्यमा निर्वाचत कुमाल कांग्रेस प्रवेश गरेसँगै विदुर ५ मा गठबन्धनका उम्मेद्धवार झन वलियो भएका छन् ।

उनको कांग्रेस प्रवेशसँगै आफुहरुलाई थप हौसला मिलेको नेपाली कांग्रेस विदुर ५ का ईकाइ सभापति छत्रराज डंगोलले जानकारी दिए ।

विदुर ५ को वडाध्यक्षमा गठबन्धन दलको तर्फबाट लिलानथ न्यौपाने र एमालेका शिवकुमार चित्रकारबिच कडा प्रतिष्पर्धा हुने देखिएको छ ।

तर दुबै पक्षले आफ्नो जित सुनिश्चित रहेको भन्दै घरदैलो अभियानमार्फत चुनावी प्रचारप्रसार अभियान तिव्र पारेका छन् ।