विदुर ६ मा गठबन्धन दलको साझा उम्मेद्धवारमा रामकाजी दिक्षित

नुवाकोट । विदुर नगरपालिका वडा नम्बर ६ मा गठबन्धन दलको साझा उम्मेद्धवारको रुपमा रामकाजी दिक्षित रहेका छन् ।

नेकपा एकिकृत समाजवादीको तर्फबाट वडाध्यक्षको उम्मेद्धवार रहेका दिक्षितलाई गठबन्धनका दलहरु नेपाली कांग्रेस, नेकपा माओवादी केन्द्र लगायतको साथ रहेको छ ।

एमालेबाट करिव एकसयभन्दा बढी कार्यकर्ता एकिकृत समाजवादी प्रवेश गरेपछि दिक्षित विदुर ६ मा वलियो प्रत्यासीको रुपमा देखिएका छन् ।

जिल्लामा रहेका गठबन्धनका साझा उम्मेद्धवार रहेकाम दिक्षितले एमालेको तर्फबाट वडाध्यक्षको प्रत्यासी रहेका श्यामकृष्ण चालिसेलाई गतिलो चुनौती दिने देखिएको छ ।

यस्तै विदुर ६ मा गठबन्धनको तर्फबाट दिक्षितसँगै महिला सदस्यमा गोपिनी क्षेत्री, दलित महिला सदस्यमा सुस्मिता विक, खुल्ला सदस्यमा गुणदास कुमाल र हरिवहादुर तामाङ चुनावी प्रतिष्पर्धामा उत्रिएका छन् ।