तादी गाउँपालिकाका अध्यक्ष पाण्डेले दिए राजिनामा

नुवाकोट । नुवाकोटको तादी गाउँपालिकाका अध्यक्ष नारायण प्रसाद पाण्डेले आफ्नो पदबाट राजिनामा दिएका छन् ।

आईतवार गाउँपाकिलामा आयोजित एक कार्यक्रमकाविच गाउँपालिका अध्यक्ष पाण्डेले गाउँपालिकाकी उप–प्रमु्ख ईश्वरी उप्रेती समक्ष राजीनामा दिएका हुन् ।

पाण्डेले ५ वर्षको लागि गाउँपालिकाको अध्यक्षको रुपमा काम पाएको भन्दै सबैलाई धन्यवाद दिएका छन् । पाण्डेले आम तादी बासीको सेवा गर्ने मौका दिएको भन्दै फेरि पनि तादी गाउँपालिकावासीको सेवकको रुपमा काम गर्ने प्रतिवद्धता व्यत्त गरेका छन् ।