नुवाकोटमा गठबन्धन तुहिने संकेत, दलहरु आन्तरिक छलफलमा व्यस्त

नुवाकोट । आगामी वैशाख ३० गते हुने स्थानिय निर्वाचनमा गठबन्धन गर्ने निर्णय गरेका नुवाकोटका राजनितिक दलहरुको सहमति नहुँदै तुहिएको छ ।

गाउँपालिका प्रमुख र उपप्रमुख तथा वडाध्यक्षहरुको पद बाँडफाँडमा सहमति नदेखिएपछि नुवाकोटमा गठबन्धन हुने संभावना क्षीण बन्दै गएको हो ।

नुवाकोटमा रहेको १२ ओटा स्थानिय तहमध्ये ७ ओटा पालिकामा जितेको कांग्रेसले माओवादी केन्द्र, एकिकृत माओवादी केन्द्र र जसपालले आफ्नो हैसियतभन्दा बढी माग भाग मागेकोले दिन नसकिने बताउँदै आएको छ ।

यस्तै माओवादीले आफुले जितेको दुईपालिकासहित अन्य दुई स्थानको नेतृत्व पाउने दाबी गर्दै आएको छ भने समाजवादीले तत्कालीन एमालेले जितेको तीन पालिकामध्ये घटिमा एक पालिकाको नेतृत्व आफुले पाउनुपर्ने बताउँदै आएको छ ।

जिल्लामा रहेका गठबन्धनका चार राजनितिक दल चारतिर फर्केपछि सहमतिको बिन्दु टाढिँदै गएको वार्तामा सहभागी दलका नेताहरुले नै बताउँदै आएको छ ।

विशेष गरि समाजवादी र जसपाले ठुलो भाग मागेलेको सहमति हुन नसकेको बताइन्छ ।