सुर्यगढीको अध्यक्षमा माओवादीको तर्फबाट ईमानसि सर्वसहमत

नुवाकोट । स्थानिय तहको निर्वाचन आउँन २६ दिन बाँकी रहदा नुवाकोटको राजनिति गर्माएको छ ।

विभिन्न राजनितिक दलहरु उम्मेद्धवार छनौटमा व्यस्त रहँदा सुर्यगढीमा माओवादी केन्द्रले गाउँपालिकाको अध्यक्षको रुपमा ईमान सिं तामाङलाई सर्वसहमत रुपमा सिफारिस गरेको छ ।

नेकपा माओवादी केन्द्र सुर्यगढी गाउँपालिकाको आईतवार वसेको बैठकले आसान्न स्थानिय तहको निर्वाचनमा गाउँपालिकाको अध्यक्षमा उनलाई सर्वसहमत रुपमा उनलाई सिफारिस गरेको हो ।

२०७४ सालमा सम्पन्न स्थानिय तहको निर्वाचनमा नेकपा माओवादी केन्द्रबाट वडा नम्बर १ को वडाध्यक्षमा निर्वाचित भएका तामाङ माओवादी केन्द्र सुर्यगढी गाउँपालिकाको इन्चार्ज समेत हुन् ।

नेकपा माओवादीको प्रभावित क्षेत्र वडा नम्बर १ मा लच्याङमा मात्रै नभएर पुरै गाउँपालिकामा उनलाई शालिन र भद्र नेताको रुपमा हेरिने गरेको छ ।

उनको उम्मेद्धवारीसँगै सुर्यगढी गाउँपालिकाको निर्वाचन रोचक हुने देखिएको छ । तर कांग्रेस, माओवादी, समाजवादी र जसपाले जिल्लामा गठबन्धन गर्ने निर्णय गरेकाले उनको उम्मेद्धवारी फिर्ता हुने संभावना समेत वलियो देखिन्छ ।

सूर्यगढि गा।पा बाट आसन्न बैशाख ३० को निर्बाचनमा इमानदार प्रष्ठ ब्यक्तित्व कमरेड इमानसिङ तामाङ अध्यक्षको प्रत्यासिमा सर्बसम्मत उमेद्बार चयन भएकोमा उहाँलाई हार्दिक बधाई तथा अग्रिम शुभकामना ब्यक्त गर्दछु।