नुवाकोटको टोलटोलमा कांग्रेस प्रतिनिधि

नुवाकोट । नेपाली कांग्रेस केन्द्रीय कार्यसमितिको निर्णय अनुसार घरघर जाऊ, कांग्रेस जिताऊ अभियान सोमवारदेखि नुवाकोटमा शुरु भएको छ ।

अभियानमा नुवाकोटको प्रत्येक टोलटोलमा कांग्रेसका प्रतिनिधिहरु पुग्न थालेका छन् । यसैक्रममा सोमवार नेपाली कांग्रेस पञ्चकन्या गाउँपालिका वडा नम्बर १ को कार्यसमितिले पनि टोल कार्य समिति निर्माण कार्य सम्पन्न गरेको छ ।

आपचौर टोल कार्यसमितिको अध्यक्षमा शिवराम राई , वानियाटार टोल कार्यसमितिको अध्यक्षा रत्नवा राई साथै सिमारा टोल कार्यसमितिको अध्यक्षमा हरिकृष्ण खगुरालको अध्यक्षतामा गठन भएको छ ।

टोल कार्यसमिति गठन तथा प्रमाणपत्र वितरण कार्यक्रममा केन्द्रीय सदस्य एंव केन्द्रीय प्रतिनिधि मदन वहादुर अमात्यको समेत उपस्थिति रहेको थियो । कार्यक्रममा बोल्दै अमात्यले अभियानको क्रममा पार्र्टीका एजेण्डा, राष्ट्रिय मुद्दामा पार्टीको अडान, सरकारका उपलब्धि लगायतका विषयमा जनतालाई जानकारी दिने र जनताबाट सुझाव समेत लिने जानकारी दिए ।

कार्यक्रममा नेपाली कांग्रेस नुवाकोटका सभापति रमेशकुमार महतले जिल्लाभर कांग्रेस जनतासंग प्रत्यक्ष जोडिएर नेपाली कांग्रेस टोलटोलबाट वलियो भएर प्रदेश क्षेत्र कब्जा गर्न सक्षम हुने बताए ।

कार्यक्रममा नेपाली कांग्रेस नुवाकोटका नेता डा.केदार नरसिंह के सि जिल्ला सदस्यहरु सिता पराजुलि खड्का , गणेश सिटौला , साथै प्रदेश सभापतिहरु रामजि पैडेल , सुशील खड्का ,क्षेत्रीय सचिव शिव गुनि ,गापा सभापति माधव प्रसाद खनाल , पुर्व महाधिवेशन प्रतिनिधि कृष्ण मिश्र ,उपेन्द कुईकेल, सुवर्ण श्रेष्ठ ,रामेश्वर थापा पुरषोम खड्का भगवान पैडेल , राजु के सि लगायत नेताहरुको सहभागिता रहेको थियो ।