बेलकोगढी १ मा एमालेलाई झडका, वडाध्यक्षसहित तीनसय जना समाजवादी प्रवेश

नुवाकोट । नुवाकोटको बेलकोटगढी नगरपालिका वडा नम्बर १ मा वडाध्यक्षसहित झण्डै ३ सय जना एकीकृत समाजवादीमा प्रवेश गरेका छन् ।

मंगलवार आयोजित कार्यक्रममा बेलकोटगढी नगरपालिका वडा नम्बर १ मा एमालेबाट वडाध्यक्षमा निर्वाचित सुब्बा तामाङको नेतृत्वमा २ सय ९५ जना एमालेका नेता तथा कार्यकर्ताहरु नेकपा एकीकृत समाजवादिमा प्रबेश गरेको एकीकृत समाजवादीका पोलिटब्युरो सदस्य तथा पुर्व सांसद राजेन्द्र प्रकाश लोहनीले जानकारी दिए ।

एकीकृत समाजवादी प्रवेश गर्नेहरुमा वडा नम्बर १, २, ३, ४, ७, ११ र १३ वडाका नेता तथा कार्यकर्ताहरु रहेका छन् । यस्तै कार्यक्रममा नै नेपाली काग्रेस परित्याग गरि श्रीराम पाण्डेको नेतृत्वमा २२ जना एकीकृत समाजवादीमा प्रवेश गरेका छन् ।

उनीहरुलाई एकीकृत समाजवादीका अध्यक्ष माधवकुमार नेपाल तथा पोलिटब्युरो सदस्य राजेन्द्र प्रकाश लोहनीले टीका लगाएर पार्टी प्रवेश गराएका थिए ।