सरकार चुनावबाट भागिरहेको छ : ज्ञवाली

नुवाकोट । नेकपा एमालेका उप–महासचिव प्रदिप ज्ञवालीले सरकार चुनावबाट टाढा भागिरहेको आरोप लगाएका छन् ।

आईतबार प्रेस चौतारी नुवाकोटले आयोजना गरेको पत्रकार सम्मेलनमा बोल्दै ज्ञवालीले स्थानिय चुनाव गर्न पटकपटक दवाव दिएपछि मात्र सरकारले चुनावको मिति घोषणा गरेको बताए । ज्ञवालीले सरकारमा सामेल भएका दलहरुले विभिन्न वहाना बनाएर अर्काे चैतसम्म निर्वाचन धकेल्ने सडयन्त्रमा लागेको बताए ।

नेता ज्ञवालीले सरकार सरकारजस्तो नभएको भन्दै मुलुकको अर्थतन्त्र धरासायी भएको बताए । उनले देशमा वैदेशिक हस्तक्षेव बढेको भन्दै सरकार हरेक क्षेत्रमा असफल रहेको आरोप लगाए ।

फरक प्रसंगमा नेता ज्ञवालीले सभामुखका कारण संसद चल्न नसकेको भन्दै सभामुखले राजीनामा दिए संसद खूल्ने बताए ।