नुवाकोटमा पुनरुत्थानशिलता विश्लेषण तथा जीविकोपार्जन सम्बन्धी विस्तृत अध्ययन कार्यशाला गोष्ठी सम्पन्न

नुवाकोट । नुवाकोटमा पुनरुत्थानशिलता विश्लेषण तथा जीविकोपार्जन सम्बन्धी विस्तृत अध्ययन कार्यशाला गोष्ठी सम्पन्न भएको छ ।

राष्ट्रिय योजना आयोग, प्रदेश निति तथा योजना आयोग र जिल्ला समन्वय समिति नुवाकोटको समन्वय एवम संयुक्त राष्ट्रसंघ विश्व खाद्य कार्यक्रमको सहकार्यमा आज जिससको सभाहलमा कार्यशाशा गोष्ठी सम्पन्न भएको हो ।

कार्यशाखा गोष्ठीमा संयुक्त राष्ट्रसंघ विश्व खाद्य कार्यक्रम बागमती प्रदेशका संयोजक राजु क्षेत्रीले पुनरुत्थानशिलता विश्लेषण तथा जीविकोपार्जन सम्बन्धी प्रशिक्षण गराएका थिए । उनले जलवायु परिवर्तनको असर र जीविकोपार्जनमा ल्याएको समस्याका बारेमा जानकारी गराएका थिए ।

कार्यक्रममा विदुर नगरपालिकाकी उपमेयर गिता दाहालले भोकमरीको अन्त्य, खाद्य सुरक्षा, पोषणमा सुधार र दिगो कृषि प्रवद्र्धन जस्ता दिगो विकासका लक्ष्यहरू हासिल गर्न स्थानीय तहको सकृयता आवश्यक रहेको बताइन् । उनले आइपर्ने विपतको सामना गर्न र आफ्नो नगरपालिका भित्रका क्षेत्रमा उत्पादन वृद्धि गर्न नगरपालिकाले विशेष ध्यान दिने बताइन् ।

कार्यक्रममा तारकेश्वर गाउँपालिकाकी उप–प्रमुख तारादेवि रिमालले जलवायु परिवर्तनका कारण किसानहरु बढी मर्कामा परिरहेको बताइन । उनले धान रोप्ने बेलामा पानी नपर्ने र धान थन्काउने बेलामा पानी पर्ने गरेको भन्दै जलवायु परिवर्तनका कारण कृषि उपज कम हुँदै गएको बताइन । उनले जहाँ जे फल्छ त्यसलाई त्यहाँको मुख्य खाद्यान्न बाली बनाउन र यसप्रति जनतालाई सूचित गर्न सके भोकमरीको अन्त्य हुने उनको धारणा छ ।

कार्यक्रममा नुवाकोटका ६ ओटा स्थानिय तहका कृषि शाखाका प्रमुख तथा प्रतिनिधि लगायतको उपस्थिति रहेको थियो ।