पृथ्वी जयन्तीमा सार्वजनिक विदा

नुवाकोट । पृथ्वी जयन्तीको अवसरमा यही पुस २७ गते नुवाकोटको विदुर नगरपालिकाले सार्वजनिक बिदा दिने भएको छ ।

विदुर नगरपालिकाले सार्वजनिक सूचना जारी गर्दै नगरपालिका मातहतका कार्यालय बन्द रहने जनाएको हो ।

आधुनिक नेपालका राष्ट्रनिर्माता तत्कालीन राजा पृथ्वीनारायण शाहको योगदानलाई उच्च कदरस्वरुप स्थानीय सरकारको तर्फबाट राष्ट्रिय एकता दिवस र पृथ्वी जयन्तीलाई भव्यता साथ मनाउन सार्वजनिक बिदाको घोषणा गरिएकोे विदुर नगरपालिकाले जारी गरेको सार्वजनिक सूचनामा उल्लेख छ ।

नेपाल एकीकरण थालनी भएको गौरवपूर्ण इतिहासलाई भुल्न नहुने भन्दै बिदा दिने निर्णय गरेको विदुर नगरपालिकाका नगरप्रमुख सञ्जु पण्डितले जानकारी दिए ।