नुवाकोटको विकासको निमित्त साझा धारणा बनाऔ : महत

नुवाकोट । नेपाली कांग्रेस नुवाकोटका जिल्ला सभापति रमेशकुमार महतले नुवाकोटको समग्र विकासका निमित्त सबै राजनितिक दलहरुले साझा धारणा बनाउनुपर्ने बताएका छन् ।

शुक्रवार नेकपा एमाले नुवाकोटको सातौँ जिल्ला अधिवेशनमा सम्बोधन गर्दे नेपाली कांग्रेस नुवाकोटका सभापति महतले सो कुरा बताएका हुन् ।

महतले नुवाकोट जिल्लामा सबै राजनितिक दलहरुको एकताको थलो बन्नुपर्ने बताउँदै समग्र नुवाकोटको विकासमा सबै राजनितिक दलहरु एकजुट हुनुपर्ने बताएका हुन ।

उनले जिल्लाको विकासमा सबै राजनितिक दलहरु एकजुट नबनेमा जिल्लाको समग्र विकास निर्माणका कामहरु प्रभावित हुने बताए ।

उनले जिल्लाका सबै राजनिति दलहरु अधिवेशनमा व्यस्त रहेकोले अधिवेशपछि सबै राजनितिक दलहरु एक ठाउँमा बसेर वहस गर्नुपर्ने बताए ।