मौसम : यी क्षेत्रमा फेरी वर्षा र हिमपातको सम्भावना

नुवाकोट । जल तथा मौसम विज्ञान विभागका अनुसार हाल देशमा पश्चिमी वायुको सामान्य प्रभाव रहेको छ।

जसकारण अधिकंश भू-भागमा आंशिक देखि सामान्य बदली रहेको छ। आज दिउँसो धेरै ठाउँमा सामान्य बदली रहने विभागले जनाएको छ ।

त्यस्तै सुदूर पश्चिम, कर्णाली तथा गण्डकी प्रदेशका उच्च पहाडी तथा हिमाली भू-भागमा भने हल्का हिमपातको सम्भावना रहेको छ । सोही ठाउँका एक/दुई स्थानमा हल्का वर्षाकोसमेत सम्भावना रहेको छ।

बिहीबार पनि देशभर आंशिक देखि सामान्य बदली रहने विभागले जनाएको छ । मौसम विज्ञान विभागका अनुसार देशका पहाडी भू-भागमा हल्का वर्षाको साथै उच्च पहाडी तथा हिमाली भू-भागमा हल्का हिमपातको सम्भावना रहेको छ।