माओवादी केन्द्र लिखुको अध्यक्षमा ढकाल

नुवाकोट । नेकपा माओवादी केन्द्र लिखु गाउँपालिकाको अध्यक्षमा भिम ढकाल चयन भएका छन् ।

शनिवार भएको अधिवेशनले ढकालको नेतृत्वमा ५५ सदस्यीय कार्यसमिति निर्विरोध रुपमा कार्यसमिति चयन गरेको हो ।

समितिको उपाध्यक्षमा महेन्द्र डङ्गोल,कृष्णबहादुर मानन्धर र प्रभुशरण खतिवडा रहेका छन् । यस्तै सचिवमा सद्दाम राई र सह–सचिवमा कुलबहादुर थापा चयन भएको नेकपा माओवादी केन्द्रले जनाएको छ ।

यस्तै कमिटिको कोषाध्यक्षमा लक्ष्मीदेवि श्रेष्ठ चयन भएकी छिन् ।