पिपलटारमा मोटरसाईकल र्दुघटना, दुईजना सामान्य घाइते

नुवाकोट । नुवाकोटको विदुर नगरपालिका वडा नम्बर ५ पिपलटारमा मोटरसाईकल र्दुघटना हुँदा २ जना घाइते भएका छन् ।

शुक्रवार विहान साढे ५ बजेतिर देविघाटबाट बट्टारतर्फ आइरहेको मोटरसाइकल र बट्टारबाट देविघाटतर्फ गइरहेको मोटरसाईकल एक आपसमा ठोक्किँदा दुर्घटना भएको जिल्ला प्रहरी कार्यालय नुवाकोटले जनाएको छ ।

दुर्घटनामा परि बेलकोटगढी नगरपालिका वडा नम्बर १२ का सुनिल भुजेल गम्भीर घाइते भएको जिल्ला प्रहरी कार्यालय नुजाकोटले बताएको छ । उनको अहिले विदुरको एक अस्पतालमा उपचार भइरहेको छ भने अन्य एकजना घाइते सामान्य उपचारपछि घर फर्किएका छन् ।

घटनाको अनुसन्धान गर्न प्रहरीले दुबै मोटरसाईकललाई नियन्त्रणमा लिएको छ । मोटरसाईकलको पछाडी बस्ने दुबै जना भने सकुशल रहेको जिल्ला प्रहरी कार्यालय नुवाकोटले जनाएको छ ।