नुवाकोटमा साढे २८ हजारको पिसिआर परिक्षण

विदुर । नुवाकोटमा झण्डै साढे २८ हजार जनाको पिसिआर परिक्षण गरिएको छ ।

स्वास्थ्य कार्यालय नुवाकोटका अनुसार हालसम्म जिल्लाका २८ हजार ४ सय ६९ जनाको पिसिआर परिक्षण गरिएको छ । जिल्लामा हालसम्म कोरोना संक्रमितको संख्या ८ हजार ३ सय ५० पुगेको स्वास्थ्य कार्यालय नुवाकोटले जनाएको छ ।

यस्तै नुवाकोटमा अहिलेसम्म ८ हजार २ सय ८० जना कोरोना संक्रमित कोरोनामुक्त भएर घर फर्किएका छन् । नुवाकोटमा कोरोना संक्रमणबाट हालसम्म ५१ जनाको मृत्यु भएको कार्यालयका सुचना अधिकारी उत्तमराज खनालले जानकारी दिए ।

पछिल्लो २४ घण्टामा जिल्लामा ५ जना कोरोना संक्रमित कोरोनामुत्त भएर घर फर्किएका छन् । नुवाकोटमा सबैभन्दा बढी विदुरर नगरपालिकामा ३ हजार ३ सय ६९ जनामा कोरोना संक्रमण देखिएको छ ।

हाल जिल्लामा सक्रिय कोरोनाका सक्रिय संक्रमितको संख्या १९ जना पुगेको छ ।