सुनको भाउ फेरि बढ्यो

नुवाकोट । बुधबार सुनको भाउ फेरि बढेको छ । सुन तोलामा ४०० रुपैयाँले वृद्धि भएको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला ९२ हजार ७०० रुपैयाँमा कारोबार भइरहेको छ । त्यस्तै तेजाबी सुन प्रतितोला ९२ हजार २०० रुपैयाँमा किनबेच हुँदैछ ।

अघिल्लो कारोबार दिन भने सुन तोलामा २०० रुपैयाँले ओरालो लागेर प्रतितोला ९२ हजार ३०० रुपैयाँ तोकिएको महासंघको तथ्यांकमा उल्लेख गरिएको छ ।

चाँदीको भाउ भने लगातार दोश्रो दिन पनि स्थिर रहेको छ । बुधबार चाँदी प्रतितोला एक हजार २५० रुपैयाँमा कायम रहेको छ ।

यसअघि सोमबारदेखि चाँदी यसै मूल्यमा खरिदबिक्री भइरहेको हो ।