सुनको भाउ एकैदिन ९०० रूपैयाँले बढ्यो

नुवाकोट । साताको अन्तिम कारोबार दिन सुनचाँदीको भाउ वृद्धि भएको छ । असोज १५ गते, शुक्रबार सुन तोलामा ९०० रुपैयाँले बढेको हो ।

यस दिन छापावाल सुन प्रतितोला ८९ हजार ६०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । यस्तै महासंघका अनुसार तेजाबी सुनको भाउ प्रतितोला ८९ हजार १५० रुपैयाँ तोकिएको छ ।

अघिल्लो कारोबार दिन भने सुनको भाउ २०० रुपैयँले घटेर प्रतितोला ८८ हजार ७०० रुपैयाँमा खरिद बिक्री भएको थियो ।

शुक्रबार सुनसँगै चाँदीको मूल्य पनि बढोत्तरी भएको छ । आज चाँदी तोलामा २० रुपैयाँले उकालो लागेर प्रतितोला एक हजार १४० रुपैयाँ तोकिएको हो ।

बिहीबार चाँदीको मूल्य ३५ रुपैयाँले गिरावट भई प्रतितोला एक हजार १२० रुपैयाँ कायम भएको थियो ।