निर्वाचनमा फुटेर जानेहरुले आफ्नो हैसियत देख्छन मुख्यमन्त्रि : शाक्य

नुवाकोट । वागमती प्रदेशका मुख्यमन्त्री अष्टलक्ष्मी शाक्यले अवको निर्वाचनमा फुटेर जानेहरुले आफ्नो हैसियत देख्ने बताएका छन् ।

 नुवाकोट वट्टारमा वुधवार आयोजित एमाले कार्यकर्ता भेलाको उद्घाटन गर्दै एमाले उपाध्यक्षसमेत रहेकी मुख्यमन्त्रि शाक्यले आफु सदैव पार्टी एकताको पक्षमा रहेको दावी गरिन् ।शाक्यले पद भन्दा पार्टी ठुलो रहेको वताएकी छन् । उनले राजनीतिमा पद भन्दा ठुलो पार्टी रहेको र पार्टीवाटै जनताको सेवा गर्न सकिने वताइन्  । 

पार्टी भित्र केही बेमेलहरु भए पनि पार्टी फुटको विपक्षमा आफू रहेको शाक्यको ठहर छ । माधव कमरेडलाई पहिले सहयोग गरियो । तर, उहाको नियत आफ्नो घर भत्काएर अरुको घर वनाउने नियत देखियो, यसको मुल्याकंन नेपाली जनताले गरेरै छाड्ने मुख्यमन्त्रि शाक्यको भनाई छ । नेकपा एमाले जिल्लास्तरिय कार्यकर्ता भेलालाई सम्बोधन गर्दै मुख्यमन्त्री शाक्यले अब एमालेलाई गुटबन्दी मुक्त पार्टीको रुपमा अघि बढाउनु पर्ने बताइन् । 

शाक्यले नुवाकोटमा पार्टी फुटको असर ज्यादै न्यून परेकोले आगामी दिनमा एमालेको संगठन अझै बलियो हुने बताइन् । मुख्यमन्त्री शाक्यले स्थानीय तहको निर्वाचन नजिकिदै गरेकोले सबै नेता कार्यकर्ताहरुले जिम्वेवार ढंगले सक्रिय हुन पनि निर्देशन दिइन् ।

एमाले नेता तथा कार्यक्रममा बागमती प्रदेशका पूर्वाधार विकास मन्त्री केशवराज पाण्डेले पार्टी फुटाएर जानेहरुले इतिहासमै नगरेको भुल गरेको वताए । जनताको विकासका लागि स्थायी शान्ति तथा सम्वृद्धिको योजनाका साथ प्रदेश सरकार अगाडि वढेको उनले वताए ।

कार्यक्रममा एमाले नुवाकोटका उपाध्यक्ष तथा वागमति प्रदेश भूमिव्यवस्था, कृषि तथा सहकारी राज्यमन्त्री बद्री मैनालीले एमाले नुवाकोटमा एकढिक्का भए अघि बढिरहेकोले कार्यकर्ताहरुले अरुको भनाईको पछि नलाग्न आग्रह गरे । उनले विजकास र परिवर्तनको लागि आफुहरुले जनहसभागितामुलक कार्यलाई प्राथमिकता दिएको वताए ।

कार्यक्रममा म्यागङ गाउँपालिका सामरीका नेकपा माओवादी केन्द्रका जिल्ला नेता काजिमान डंगोलको नेतृत्वमा एक सय ४६ जना नेता तथा कार्यकर्ता एमालेमा प्रवेश गरेका छन् । उनीहरुलाई मुख्यमन्त्री अष्टलक्ष्मी शाक्यले टिला लगाएर पार्टीमा स्वागत गरिन् ।

विदुर नगरपालिका क्षेत्र लगायतबाट ५० जनाभन्दा बढी युवायुवतीहरु विभिन्न पार्टीबाट एमालेमा प्रवेश गरेका थिए ।  तत्कालिन एमालेका नेता माधवकुमार नेपाल समूहमा रहेका नेताहरु मुल पार्टी एमालेमै फर्किएपछि नुवाकोटमा पहिलो पटक जिल्लास्तरीय अगुवा कार्यकर्ता भेला भएको हो । यस भेलालाई विशेष चासोको साथ हेरिएको छ ।

भेलाले विभिन्न जनवर्गीय संगठनको नेतृत्व चयन लगागयतको विषयमा आन्तरिक छलफलसमेत गरेको छ ।