टिमुरे यातायातले टोखा–छहरे रुटमा वससेवा विस्तार गर्ने

नुवाकोट । नुवाकोट टिमुरे यातायात प्रालिले टोखा छहरे रुटमा पनि बससेवा विस्तार गर्ने भएको छ ।

यसअघि काठमाडौं बाट टिमुरे, स्याफ्रु, धुन्चे, टिकाडुङ्ग, गैरा, काउले, साल्मे, डाडा गाउँ, भत्त गाउँ, गेर्खु, सरमथली, त्रिशुली लगायतका स्थानमा बस सेवा सञ्चालन गरि स्थानियको मन जित्दै आएको सो प्रालिका अध्यक्ष प्रकाश जोशीले बताए ।

उनले नजिकिँदै गरेको चाडपर्वलाई लक्षित गरेर टिमुरेले काठमाडौबाट रामती, खरानिटार, घलेभज्याङ्ग, लगाएतका रुटमा बससेवा सञ्चालनमा ल्याउन लागिएको बताए ।

जोशीले यात्रुको माग र चाहनाअनुसार सो रुटमा बससेवा सञ्चालनमा ल्याउन लागेको बताए । “अहिले केही स्थानमा मात्र सञ्चालन गरेपनि आगामी दिनमा सो क्षेत्रको सबै स्थानमा वस ुेवा विस्तार गर्दै लाने योजना रहेको उनले बताए ।

वि.स २०७४ सालमा स्थापना भएको टिमुरे यातायात प्रालिले हाल ४० भन्दा बढी बसमार्फत यात्रुलाई सेवा दिँदै आइरहेको छ ।