प्राधिकरणले सम्पादन गरेर बाँकी रहेका कामहरु सम्बन्धित निकायबाटै हुनेगरी हस्तान्तरण गर्ने निर्णय गरिएको प्रमुख कार्यकारी अधिकृत सुशील ज्ञवालीले जानकारी दिए।

Advertisement

जसअनुसार विपद् व्यवस्थापनसम्बन्धी बाँकी कामहरुलाई राष्ट्रिय विपद् जोखिम न्यूनिीकरण तथा व्यवस्थापन प्राधिकरणबाट सम्पन्न गरिनेछ।

त्यसैगरी अन्य निकायहरु सहरी विकास मन्त्रालयले निजी आवासको पुनर्निर्माणसम्बन्धी कामलाई व्यवस्थापन गर्ने, स्वास्थ्य संस्था र सरकारी भवनहरुको पुनर्निर्माणको कामलाई व्यवस्थापन गर्ने र शिक्षा मन्त्रालयले विद्यालय तथा विश्वविद्यालयको पुनर्निर्माणको कामलाई व्यवस्थापन गर्नेछ।

प्राधिकरणका प्रमुख कार्यकारी अधिकृत ज्ञवालीले भने, ‘राष्ट्रिय पुनर्निर्माण प्राधिकरणको २० औँ निर्देशक समितिको बैठकले प्राधिकरणले हालसम्म गरेको कामलाई धन्यवाद दिँदै पुनर्निनिर्माणमा बाँकी रहेका कामलाई  हस्तान्तरण गर्ने प्रक्रिया अघि बढाउने निर्णय गरेको छ।’

२०७२ साल वैशाख १२ गते आएको विनाशकारी भूकम्पले क्षति पुर्‍याएका भवनहरुको पुनर्निर्माणको कामलाई अघि बढाउन सरकारले पुनर्निर्माण प्राधिकरण गठन गरेको थियो।