नारायण खतिवडाले पदको दुरुपयोग गरे : मन्त्री पाण्डे

नुवाकोट । नेकपा एमालेका नेता एवं बागमती प्रदेशका समान्य प्रशासन तथा कानुन मन्त्री केशव पाण्डेले नेकपा एमालेका नेता तथा माधव नेपाल समुहका अध्यक्ष तथा सांसद नारायण खतिवडाले सांसद पदको दुरुपयोग गरेको बताएका छन् ।

शनिवार नेकपा एमालेको जिल्ला कमिटिको बैठकमा बोल्दै उनले सांद खतिवडाले आफुहरुले दिएको मतको दुरुपयोग गरेको आरोप लगाएका छन् । उनले खतिवडालाई मत दिनेहरु अहिले पश्चातापमा परेको समेत दाबी गरे ।

उनले आगामी निर्वाचनमा नारायण खतिवडालाई निर्वाचन जित्न आफुहरुको सहयोग चाहिने तर आफुलाई चुनाव जित्न खतिवडाको सहयोग आवश्यक नपर्ने दाबी गरे ।

फरक प्रसंगमा नेकपा एमाले नुवाकोटमा पहिलेका अधिकांश नेता तथा कार्यकर्ताहरु पार्टीमा फर्किएको भन्दै केही गुटले छुट्टै भेला गरेपनि त्यसले आफुहरुलाई असर नपर्ने बताए ।