नुवाकोटमा सक्रिय कोरोना संक्रमितको संख्या ६ सय पुग्यो

नुवाकोट । नुवाकोटमा कोरोनाका संक्रिय संक्रमितको संख्या बढ्दै गएको छ ।

पछिल्ला एकसाता यता जिल्लामा कोरोना संक्रमितको ग्राफबढेपछि जिल्लामा सक्रिय कोरोना संक्रमितको संख्या बढ्दै गएको हो । स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा ६४ जना कोरोना संक्रमित थपिएसँगै जिल्लामा सक्रिय कोरोना संक्रमितको संख्या ६ सय ३१ पुगेको हो ।

स्वास्थ्य कार्यालय नुवाकोटका अनुसार गत २४ घण्टामा जिल्लामा एकसय एक जनाको पिसिआर र ७८ जनाको एन्टीजेन परिक्षण गर्दा ६४ जनामा कोरोना संक्रमण पुष्टि भएको छ ।

पछिल्लो २४ घण्टामा सबैभन्दा बढी तारकेश्वर गाउँपालिकाका २६ जनामा कोरोना संक्रमण पुष्टि भएको छ भने विदुर नगरपालिकामा २० जना कोरोना संक्रमित थपिएका छन् । यस्तै बेलकोटगढी नगरपालिकामा ७ जना संक्रमित थपिँदा लिखु गाउँपालिकामा ५ जनामा कोरोजना संक्रमण पुष्टि भएको छ ।

यस्तै किस्पाङ गाउँपालिकामा ३ जना संक्रमित थपिँदा सुर्यगढी गाउँपालिका, तादी गाउँपालिका र म्यागङ गाउँपालिकामा समान एक जनामा कोरोना संक्रमण पुष्टि भएको हो ।

यससँगै नुवाकोटमा कोरोना संक्रमितको संख्या ७ हजार एकसय ५ पुगेको स्वास्थ्य कार्यालय नुवाकोटका सुचना अधिकारी उत्तमराज खनालले जानकारी दिए ।

त्यस्तै पछिल्लो २४ घण्टामा जिल्लामा १४ जना कोरोना संक्रमित कोरोनामुत्त भएर घर फर्किउका छन् । यससँगै जिल्लामा कोरोनामुत्त भएर घर फर्कनेको संख्या ६ हजार ४ सय ३२ पुगेको छ ।

जिल्लामा रहेका कुल सक्रिय कोरोना संक्रमितमध्ये ५ सय ८४ जना होम आइसोलेसनमा, २५ जना अस्पतालमा र २२ जना आइसोलेसन सेन्टरमा उपचाररत रहेका छन् ।

कोरोना संक्रमणबाट हालसम्म नुवाकोटमा ४२ जनाको मृत्यु भइसकेको छ । नुवाकोटमा हालसम्म २४ हजार २ सय १६ जनाको पिसिआर परिक्षण गरिएको छ ।