नेपालमा कोरोना संक्रमितको संख्या ७ लाख नाघ्यो

नुवाकोट । नेपालमा कोरोना संक्रमितको संख्या ७ लाख नाघेको छ ।

पछिल्लो २४ घण्टामा १० हजार ६३८ पीसीआर परीक्षणमा २ हजार ४४८ जनामा कोरोना भाइरस संक्रमण देखिएको छ । योसँगै नेपालमा कोरोना संक्रमण हुनेको संख्या ७ लाख २ हजार ९७ पुगेको छ ।

यस्तै एन्टिजेन विधिद्वारा गरिएको ६ हजार ८० परीक्षणबाट ९३५ जनामा पोजिटिभ देखिएको छ । २४ घण्टामा पीसीआर र एन्टिजेन विधिबाट गरिएको १६ हजार ७१८ परीक्षणमा ३ हजार ३८३ जनामा संक्रमण पुष्टि भएको मन्त्रालयले जनाएको छ ।