गाडी, तलब भत्ता र आवासको सुविधा नलिने राज्यमन्त्री श्रेष्ठकाे घोषणा

नुवाकोट । स्वास्थ्य तथा जनसङ्ख्या राज्यमन्त्री उमेश श्रेष्ठले सुरक्षाकर्मी बाहेक सरकारी सेवा सुविधा नलिने घोषणा गरेका छन् ।

उनले आज आफ्ना १०० दिने कार्ययोजना सार्वजनिक गर्दै सुरक्षाकर्मी बाहेक गाडी, तलब भत्ता र आवासको सुविधा नलिने घोषणा गरेका छन् ।

साथै उनले राज्यमन्त्रीमा रहँदासम्म आफ्ना कुनै पनि व्यापारिक संस्थाको पदमा नरहने घोषणा गरेका छन् ।

प्रधानमन्त्री शेरबहादुर देउवाले गएकाे साउन १० गते उनलाई स्वास्थ्य राज्यमन्त्रीमा नियुक्त गरेका थिए ।

श्रेष्ठ लिटिल एञ्जेल्स स्कुलका सञ्चालक छन् भने उनको अरू क्षेत्रमा पनि लगानी रहेको छ ।