नुवाकोटमा आज ४८ जना कोरोनामुत्त भएर घर फर्किए

नुवाकोट । नुवाकोटमा आज ४८ जना कोरोना संक्रमित कोरोनामुत्त भएर घर फर्किएका छन् ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा ४८ जना कोरोना संक्रमित कोरोनामुत्त भएर घर फर्किएसँगै जिल्लामा कोरोनामुत्त भएर घर फर्किएसँगै जिल्लामा कोरोनामुत्त भएर घर फर्कनेको संख्या ५ हजार ५ सय ५३ पुगेको हो ।

यस्तै पछिल्लो २४ घण्टामा जिल्लामा २९ जना कोरोना संक्रमित थपिएका छन् । कार्यालयका सुचना अधिकारी उत्तमराज खनालका अनुसार ३७ जनाको पिसिआर र २३ जनाको एन्टीजेन परिक्षण गर्दा २९ जनामा कोरोना संक्रमण पुष्टि भएको हो ।

यससँगै जिल्लामा कोरोना संक्रमितको संख्या ६ हजार एकसय ६६ पुगेको स्वास्थ्य कार्यालय नुवाकोटले जनाएको छ ।

पछिल्लो २४ घण्टामा भेटिएका कोरोना संक्रमितमध्ये विदुर नगरपालिकाका १२ जना रहेका छन् । यस्र्तै तारकेश्वर गाउँपालिकामा ९ जना कोरोना संक्रमित भेटिँदा बेलकोटगढी नगरपालिकामा ३ जना संक्रमित भेटिएका छन् ।

यस्तै ककनी र तादी गाउँपालिकामा समान २÷२ जना कोरोना थपिदा पन्चकन्या गाउँपालिकामा एकजना संक्रमित भेटिएका छन् ।

नुवाकोटमा हालसम्म कोरोना संक्रमणबाट ३७ जनाको मृत्यु भएको स्वास्थ्य कार्यालय नुवाकोटले जनाएको छ ।

जिल्लामा हालसम्म २९ हजार ७ सय ९९ जनाको पिसिआर परिक्षण गरिएको छ ।