देविघाट जेष्ठनागरिक प्रतिष्ठानलाई तीनवर्षदेखि तरकारी उपलब्ध गराउँदै राजु कडेल

विदुर खबर २०७८ असार २२ गते ७:२५

नुवाकोट । नुवाकोटको बेलकोटगढी नगरपालिका वडा नम्बर १० का राजु कडेल विगत ३ वर्षदेखि देविघाटमा रहेको जेष्ठ नागरिक अध्ययन तथा प्रतिष्ठानलाई तरकारी उपलब्ध गराउँदै आएका छन् ।

Advertisement

काठमाण्डौको कालिमाटी तरकारी बजारमा तरकारी व्यवसाय गर्ने राजुसहित उनका साथीहरुको टोलीले सातामा दुई÷तीनपटक प्रतिष्ठानकालाई विगत तिनवर्षदेखि तरकारी उपलब्ध गराउँदै आएको देविघाट जेष्ठ नागरिक तथा अध्ययन प्रतिष्ठानका अध्यक्ष विष्णु नेपालले जानकारी दिए ।

                                        प्रतिष्ठानलाई तरकारी कालीमाटी तरकारी बजारबाट तरकारी पठाउँदै राजु कडेल ।

कालीमाटीमा तरकारी व्यवसाय गर्ने राजुसहित अन्य साथीह तारा बुढाथोकी, विनोद भण्डारी, रामशरण रिजाल, श्याम वहादुर तितुङ, यातायात व्यवस्थापनमा उद्धव श्रेष्ठ र भुपेन्द्र वानियाले निस्वार्थ भावनाले सहयोग गरिरहेका छन् ।

Advertisement

जेष्ठ नागरिक अध्ययन तथा प्रतिष्ठानमा रहेका बृद्धबृद्धाहरुलाई सिजन अनुसारको तरकारी पठाउने गरेका राजुले आफुसँगै साथीहरुको सहयोगमा तिनवर्षदेखि निशुल्क रुपमा तरकारी उपलब्ध गराउँदै आएको बताए ।

यस्तै उनले आफ्ना पिताको तिथिको समयमा प्रत्येक वर्ष प्रतिष्ठानमा रहेका बृद्धबृद्धाहरुलाई खाना तथा फलफुल समेत खुवाइरहेका छन् ।

Advertisement

उनले आफुजस्तै सहयोगीहरुको साथ मिलेमा आगामी दिनमा प्रतिष्ठानलाई अन्य सहयोग गर्ने प्रतिवद्धता व्यक्त गरे । जेष्ठ नागरिकहरु समाजको जीउदो ईतिहास रहेको भन्दै उनीहरुको संरक्षण र हेरचाह सबैले मिलेर गर्नुपर्नै उनले बताए ।

विदुर नगरपालिका वडा नम्बर ५ देविघाटमा रहेको प्रतिष्ठानमा अहिले ३१ जना बृद्धबृद्धाले संरक्षण पाइरहेका छन् ।

प्रतिक्रिया