मुल्यवृद्धि विरोधमा नुवाकोटमा संयुत्त गठबन्धनद्धारा प्रर्दशन

नुवाकोट । नुवाकोटमा संयुत्त विद्यार्थी संगठनले मुल्यवृद्धि र कोरोना भाइरसको खोप सबैले पाउनुपर्ने माग गर्दे प्रर्दशन गरेको छ ।

नुवाकोट आदर्श बहुमुखि क्याम्पस अगाडीबाट मसाल सहित सडकमा निस्किएका युवाहरुले सरकारको रबैया गलत रहेको भन्दै नाराबाजि समेत गरेका छन् ।

नेपाल विद्यार्थी संघ,अखिल (क्रान्तिकारी) र अनेरास्ववियु सहितको संयुक्त विद्यार्थी संगठनले केपी ओली नेतृत्वको सरकार राष्ट्रघाती भएको भन्दै त्यसका विरुद्ध नुवाकोट आदर्श बहुमुखी क्याम्पसबाट मसल जुलुस निकालेका हुन् ।

विद्यार्थीहरुले प्रधानमन्त्री ओली नेतृत्वको सरकार विरुद्ध चर्का नाराबाजी सहित विरोध प्रदर्शन गरेका छन् । ओली नेतृत्वको सरकारले गरेको संसद विघटनजस्तो असंवैधानिक कदम, महंगी, कालोबजारी नियन्त्रणमा असफलता, पेट्रोलियम पदार्थमा भएको मुल्यवृद्धि, चुरेमाथी सरकारले दोहन गर्न लागेको विषयलगायत सरकारले गरिरहेको एकपछि अर्को जनविरोधी निर्णयहरु रोक्नुपर्ने र त्यसलाई सच्याउन माग राख्दै विद्यार्थीहरुले नाराबाजी गरेका छन् ।

शान्तिपुर्ण आन्दोलनमा शसस्त्र प्रहरीले देखाएको रबैयाको बिरुद्धमा बिद्यार्थी संगठनहरुले मसाल जुलुसको कार्यक्रमपछि पनि टायर बालेर सडक अबरुद्ध पारेका थिए । कार्यक्रममा संयुक्त बिद्यार्थी संगठनका नेताहरुले सरकारकै संरक्षणमा कालोवजारी बढ्दै गएको आरोप लगाएका छन् ।

शान्तिपुर्ण रुपमा बिद्यार्थीहरुले गरेको आन्दोलनमा प्रहरी दमनको बिरोध गर्दै बिद्यार्थी नेताहरुले आगामी दिनको आन्दोलन जारी रहेको घोषणा गरेका छन् ।