घरघरमा माक्स र सेनिटाइजर वितरण गर्दे गिता अमात्य

नुवाकोट । नेपाली कांग्रेस नुवाकोटकी महिला नेतृ तथा विदुर नगरपालिकाकी उपमेयरकी प्रत्यासी गिता अमात्यले विदुर नगरपालिकाको विभिन्न वडाहरुमा स्वास्थ्य सामाग्री वितरण गरेकी छिन् ।

आईतवार विदुर नगरपालिका वडा नम्बर १०, वडा नम्बर ११ र वडा नम्बर १२ मा अमात्यले आफ्नो व्यक्तिगत खर्चमा विदुर नगरपालिकाको विभिन्न वडाहरुमा स्वास्थ्य सामाग्री वितरण गरेकी हुन् ।

अमात्यले विदुर नगरपालिका वडा नम्बर १० गेर्खुटार, गैरीखर्क, वडा नम्बर ११ गेर्खु, वडा नम्बर १२ को तिनधारे,पिपलडाडा माबि,मुलाबारि प्राबि,खानिगाउ ,भट्टगाउँ र मुलावारी लगायतका स्थानमा स्वास्थ्य सामाग्री वितरण गरेकी हुन् । उनले वडाका प्रत्येक घरमा स्थानिय युवाहरुकोे रोहवरमा स्वास्थ्य सामाग्री वितरण गरेकी हुन् ।

वितरण गरिएको स्वास्थ्य सामाग्रीहरुमा प्रतिघर एक प्याकेज माक्स, सावुन र सेनिटाइजर रहेका छन् । उनले आम नागरिकलाई हात धुने र माक्स लगाउने बानीको विकास गर्न वडाको प्रत्येक घरमा स्वास्थ्य सामाग्री वितरण गरेको बताइन् ।उनले नगरपालिकामा वपत्तिको समयमा जनप्रतिनिधिको उपस्थिति रहनुपर्नेमा त्यसो हुन नसकेको बताइन् ।

किनेर लगाउनुपर्ने माक्ससहित स्वास्थ्य सामाग्री निशुल्क घरमै पाएपछि नगरवासीले खुशी व्यक्त गरेका छन् ।

यसअघि अमात्यले नगरपालिकाको विभिन्न स्थानमा पुगेर अपाङ्गता भएका व्यक्तिहरुको घरमै पुगेर खाद्यान्न सहयोग गरेकी थिइन् ।