अवैध रूपमा नदीजन्य पदार्थ उत्खनन् गर्ने ट्याक्टर नियन्त्रणमा

नुवाकोट । सिन्धुलीको कमलामाई नगरपालिका ५ रानीखोलामा अवैध बालुवा उत्खनन् गरिरहेको स्काभेटर र तीनवटा ट्याक्टरलाई प्रहरीले नियन्त्रणमा लिएको छ ।

नियन्त्रणमा लिइएको स्काभेटर र ट्याक्टरलाई आवश्यक कारबाहीका लागि शनिबार जिल्ला समन्वय समितिमा पठाइएको प्रहरीले जनाएको छ । रानीखोलामा स्काभेटर प्रयोग गरी बालुवा झिक्दै गरेको स्थानीयले सूचना दिएपछि प्रहरी टोलीले शुक्रबार राति नियन्त्रणमा लिएको थियो ।

अवैध उत्खनन् गर्ने स्काभेटर र ट्याक्टरलाइ कारबाहीका लागि कमलामाई नगरपालिकासँग समन्वय भइरहेको जिल्ला समन्वय समितिका संयोजक शंकरराज वर्मा तिवारीले जानकारी दिए ।