नुवाकोटको १२ वटै स्थानीय तहलाई स्वास्थ्य सामग्री उपलब्ध गराउँदै मन्त्री पाण्डेले त्रिशुली अस्पताललाई प्रदेश सरकारले उच्च प्राथमितामा राखेको बताउनुभयो ।

हाल ५० शय्या रहेको अस्पताललाई यस अघिनै १ सय शय्या बनाउने निर्णय भएकाले त्यसको कार्यान्वयनको लागि बजेट व्यवस्था भएको उहाँको भनाइ छ ।

कोरोना संक्रमणको उपचार तथा रोकथाममा त्रिशुली अस्पताल बागमती प्रदेशमै नमुनाको रूपमा रहेको पाण्डेले दाबी गर्नुभयो ।

५० शय्या भए पनि कोभिडका कारण १ सय ३० शय्या सञ्चालनमा रहेको अस्पतालमा जनशक्ति र उपकरणको व्यवस्थापनमा प्रदेश सरकार तयार रहेको उहाँको भनाइ छ ।