साउन महिनाभरि रसुवागढी नाका बन्द हुने,मितेरी पूलको सपोर्टर वाल भासिएपछि सवारी साधन संचालनमा रोक

सरस्वती न्याैपाने  रसुवा ,साउन महिनाभरि अन्तर्राष्ट्रिय रसुवागढी नाका बन्द हुने भएको छ ।

२०७१ सालदेखि संचालनमा आएको नाका पानीका उच्च बहावका कारण मितेरी पूलको सपोर्टर वाल भासिएपछि सवारीसाधन रोक लगाएको छ । यो अवरोध आएको कारण जोखिमलाई मध्यनजर गर्दै एक सातादेखि रोक लगाएको सवारी लगायत यही महिनाभरि बन्द गरेको हो ।

मर्मत सुरु भएको १५ दिनमा यातायात संचालनमा ल्याउने भनिएतापनि चीनबाट आउने तयारी सामान स्याउदेखि प्लाष्टिक सामग्रीहरू अलपत्र अवस्थामा रहेक एक व्यापारीले बताए ।
रसुवागढीबाट चीनको केरुङ नाका पुग्नका लागि २४ किमी भएतापनि सवारी संचालन हुन नसक्दा स्याउ, लसुन लगायतका कुहिने सामान थन्किने भएपछि व्यापारीहरू चिन्तित हुँदै सामानहरू भरिया लगाएर नाका पार गरेर टिमुरेमा राख्न थालेको व्यापारी मुकुन्द पौडेलले बताए ।