स्पेनिस ला लिगाः मड्रिडले बेटिसलाई ५-३ ले हरायो

७ फागुन, काठमाडौं । स्पेनिस ला लिगा फुटबलअन्तर्गत आइतबार राति भएको खेलमा रियल मड्रिडले रियल बेटिसलाई ५-३ ले हराएको छ ।

जिनेदिन जिदानको टिम रियल मड्रिडले पछिल्लो समय राम्रो खेल्न नसकेको भनेर आलोचना भइरहेको बेला रियल मडि्रडले उत्कृष्ट खेल प्रदर्शन गर्‍यो ।

रियलको जितमा मार्को एसेन्सिओले दुई गोल गरे । यस्तै सर्जियो रामोस, क्रिस्टियानो रोनाल्डो र करिम बेन्जिमाले एक-एक गोल गरे । रियल बेटिसका लागि एइसा मोन्डी र सर्जियो लियोनले गोल गरे । रियल मड्रिडका नाचोले एक आत्मघाती गोल उपहार दिए ।