नुवाकोटमा २ हजारभन्दा बढीले कोरोनालाई जितेर घर फर्किए
नुवाकोट । नुवाकोटमा २ हजारभन्दा बढीले कोरोनालाई जितेर घर फर्किएका छन् ।
स्वास्थ्य कार्यालय नुवाकोटका अनुसार पछिल्लो २४ घण्टामा जिल्लाका ८१ जना कोरोनामुत्त भएर घर फर्किएसँगै जिल्लामा कोरोनालाई जितेर घर फर्कनको संख्या २ हजार ४ पुगेको हो ।
यस्तै जिल्लामा कोरोना संक्रमितको संख्या ३ हजार २ सय १६ पुगेको छ । पछिल्लो २४ घण्टामा सबैभन्दा धेरै सुर्यगढी गाउँपालिकामा ३३ जना संक्रमित भेटिएका छन् ।
यस्तै विदुर नगरपालिकामा ११ जना, शिवपुरी र किस्पाङ गाउँपालिकामा समान ३÷३ जना, दुप्चेश्वर र तारकेश्वर गाउँपालिकामा समान २÷२ जना र ककनी गाउँपालिकामा एकजना संक्रमित भेटिएको स्वास्थ्य कार्यालय नुवाकोटले जनाएको छ ।
यस्तै पछिल्लो २४ घण्टामा जिल्लामा २ जना कोरोना संक्रमितको मृत्यु भएको कार्यालयको भनाइ रहेको छ । यससँगै नुवाकोटमा कोरोना संक्रमणबाट मृत्यु हुनेको संख्या २३ पुगेको छ ।
नुवाकोटमा हालसम्म १४ हजार एकसय ४० जनाको पिसिआर परिक्षण गरिएको छ ।
- १ सरकारको स्वास्थ्य बीमाः ३५ सय तिर्दा वार्षिक १ लाखको सेवा
- २ नुवाकोटका सन्तोष उप्रेति होटल व्यवसायी महासंघको उपाध्यक्षमा निर्वाचित
- ३ सीमा नाकामा भिडन्त, एक सशस्त्र प्रहरी र आठ भारतीय व्यापारी घाइते
- ४ नुवाकोट आदर्श बहुमुखी क्याम्पसको निमित्त प्रमुखमा भोलाप्रसाद पाण्डे
- ५ चिसो बढ्यो, उच्च हिमाली भू-भागमा हल्का हिमपातको सम्भावना
प्रतिक्रिया