ककनी गाउँपालिकामा १९ जना संक्रमित थपिए

नुवाकोट । नुवाकोटको ककनी गाउँपालिकामा थप १९ जनाम कोरोना संक्रमण पुष्टि भएको छ ।

स्वास्थ्य कार्यालय नुवाकोटका अनुसार पछिल्लो २४ घण्टामा ५८ जनाको पिसिआर परिक्षण गर्दा १९ जनामा कोरोना संक्रमण पुष्टि भएको कार्यालयका सुचना अधिकारी उत्तमराज खनालले जानकारी दिए ।

भेटिएका संक्रमितमा ११ पुरुष र ८ महिला रहेका छन् । यससँगै ककनी गाउँपालिकामा कोरोना संक्रमितको संख्या ८७ पुगेको छ । गाउँपालिकामा कुल संक्रमितमध्ये ५८ पुरुष र २९ महिला रहेका छन् ।

अहिले गाउँपालिकाका ५२ जना आइसोलेसनमा उपचार गरिरहेको ककनी गाउँपालिकाले जानकारी दिएको छ । आइसोलेसनमा ३१ पुरुष र २१ महिला रहेका छन् ।

हालसम्म ककनी गाउँपालिकामा ५ सय ३७ जनाको पिसिआर परिक्षण गरिएको स्वास्थ्य कार्यालय नुवाकोटले जनाएको छ ।