त्रिशुली अस्पतालमा आईसियु थप गर्न किस्पाङ गाउँपालिकाले १० लाख दिने

नुवाकोट । त्रिशुली अस्पतालमा आईसियु थप गर्न किस्पाङ गाउँपालिकाले १० लाख दिने निर्णय गरेको छ ।

त्रिशुली अस्पतालमा आईसियु बेडको अभावको कारण धेरै जना कोरोना संक्रमितले ज्यान गुमाउनु परेकोले आईसियु बेड थप गर्न १० लाख रुपैयाँ सहयोग गर्ने निर्णय गरेको गाउँपालिकाका अध्यक्ष छत्र लामाले जानकारी दिए ।

उनले सामाजिक संजाल फेसबुकमार्फत आईसियु बेड थप गर्न १० लाख रुपैयाँ दिने निर्णय गरेको बताएका छन् ।

यसअघि आईसियु र भेन्टिलेटरको अभावले केही दिनअघि किस्पाङ गाउँपालिकाका एक युवाको मृत्यु भएको थियो ।

नुवाकोटमा कोरोना संक्रमणको कारण १३ जनाको मृत्यु भइसकेको छ ।