चिलिमेको खुद नाफामा सामान्य गिरावट
नुवाकोट । चिलिमे को खुद नाफा चालु आर्थिक वर्षको तेस्रो त्रैमासमा सामान्य प्रभावित भएको छ ।
चिलिमेको खुद नाफा १.९४% ले घटेर तेस्रो त्रैमासमा ५१ करोड ५४ लाख ३१ हजार रुपैयाँमा आएको छ । गत वर्षको यसै अवधिमा भने चिलिमेले ५२ करोड ५६ लाख ४६ हजार रुपैयाँ खुद नाफा गरेको थियो । चिलिमेको विद्युत बिक्रीबाट आम्दानी ०.६९% ले बढेर ८० करोड ९२ लाख २५ हजार रुपैयाँ पुगेको छ ।
गत वर्ष विद्युत बिक्रीबाट ८० करोड ३७ लाख १९ हजार रुपैयाँ आम्दानी भएको थियो । विद्युत बिक्रीबाट आम्दानी सामान्य बढेपनि सञ्चालन तथा मर्मतसम्भारमा खर्च बढेको छ । जसका कारण सञ्चालन नाफा १.७३% ले घटेर ५५ करोड १८ लाख ५८ हजार रुपैयाँमा आएको छ । यस्तै, ब्याज आम्दानी पनि ११ करोड ५१ लाख रुपैयाँबाट घटेर १० करोड ८२ लाख रुपैयाँमा सीमित भएको छ ।
जसका कारण समग्र नाफामा नकारात्मक असर परेको छ । चिलिमेले बैंक मौज्दात बढेपनि ब्याजदर न्यून भएकाले ब्याज आम्दानी घटेको विश्लेषण गरेको छ । हाल यसको चुक्ता पुँजी ६ अर्ब २८ करोड ७ लाख ३९ हजार रुपैयाँ र रिटेन्ड अर्निङ ३ अर्ब ६७ करोड २० लाख ४३ हजार रुपैयाँ रहेको छ ।
यसको प्रतिसेयर आम्दानी १० रुपैयाँ ८३ पैसा र प्रतिसेयर नेटवर्थ १५८ रुपैयाँ ४७ पैसा छ । गत वर्ष भने प्रतिसेयर आम्दानी १२ रुपैयाँ २७ पैसा र नेटवर्थ १७१ रुपैयाँ ३३ पैसा थियो ।
- १ सरकारको स्वास्थ्य बीमाः ३५ सय तिर्दा वार्षिक १ लाखको सेवा
- २ नुवाकोटका सन्तोष उप्रेति होटल व्यवसायी महासंघको उपाध्यक्षमा निर्वाचित
- ३ सीमा नाकामा भिडन्त, एक सशस्त्र प्रहरी र आठ भारतीय व्यापारी घाइते
- ४ नुवाकोट आदर्श बहुमुखी क्याम्पसको निमित्त प्रमुखमा भोलाप्रसाद पाण्डे
- ५ चिसो बढ्यो, उच्च हिमाली भू-भागमा हल्का हिमपातको सम्भावना
प्रतिक्रिया