विदुर नगरपालिका भित्रका सबै शिक्षणसंस्था बन्द निर्णय

नुवाकोट । नुवाकोटको विदुर नगरपालिकाले आफ्नो क्षेत्रभित्र रहेका सबै शैक्षिक संस्था बन्द गर्ने निर्णय गरेको छ ।

नगरपालिकाले मंगलवार एक सुचना सार्वजनिक गर्दे नगरपालिका भित्र रहेका शैक्षिक संस्थाहरु अर्काे सुचना नआएसम्म संचालन नगर्न सामुदायिक तथा संस्थागत विद्यालयहरुलाई निर्देशन दिएको छ ।

यस्तै नगरपालिकाले भौतिक रूपमा विद्यालयमा उपस्थित भई सञ्चालन हने पठनपाठन तथा पूर्व निर्धारित सबै तहका परीक्षाहरू अर्को सुचना नभए सम्मका लागि स्थगित गर्ने निर्णय गरेको छ ।

यस्तै बैठकले विद्यालय प्रशासन खुल्ला गरि शैक्षिक कार्य योजनाहरू बनाउने र विद्यालयमा विद्यार्थीहरूलाई भौतिक उपस्थिती नगराई भर्चुअल र बैकल्पिक माध्यमबाट पठनपाठन जारी राख्नु समेत आग्रह गरेको छ ।

नगरपालिकाले केन्द्रिय सरकारको निर्देशन तथा नुवाकोटमा पनि दिनानुदिन कोरोना संक्रमितहरु बढीरहेको भन्दै विद्यालय बन्द गर्ने निर्णय गरेको नगरपालिकाका शिक्षा शाखा प्रमुख दिवाकर चापागाईले जानकारी दिए ।

उनले नगरपालिकाको सुचनाको अवज्ञा गरि शिक्षणसंस्था संचालन गर्ने विद्यालयलाई कडा कारवाही गरिने समेत बताए ।