सुबिसुको नयाँ वर्ष योजना ‘इन्टरनेट मस्त जीवन स्वस्थ’ : एक लाखसम्मको स्वास्थ बिमा निःशुल्क

नुवाकोट । केबल टेलिभिजन, इन्टरनेट र नेटवर्क सेवा प्रदायक कम्पनी सुबिसु केबलनेट प्रालिले नयाँ वर्षको अवसर पारेर ‘इन्टरनेट मस्त जीवन स्वस्थ’ अफर ल्याएको छ ।

यो योजनामा ग्राहकले एक लाखसम्मको निःशुल्क स्वास्थ बिमा प्राप्त गर्नेछन् । स्वस्थ जीवनको महत्वलाई ध्यानमा राख्दै कम्पनीले इन्टरनेट  तथा इन्टरनेट  र क्लियर टिभी सेवाको नयाँ जडान तथा नविकरणमा एक लाखसम्मको निःशुल्क स्वास्थ्य बिमा प्रदान गर्ने जनाएको छ । सेवा २० एमबीपीएस भन्दा माथिको ब्याण्डविथमा लागु हुने कम्पनीले जनाएको छ ।

कम्पनीले स्वास्थ्य बीमाको लागि शिखर इन्स्युरेन्ससँग सहकार्य गरेको छ । यस अफर अन्तर्गत ग्राहकले नेपाल र भारतमा उपचारार्थ एक लाख रुपैयाँसम्मको स्वास्थ्य बीमा प्राप्त गर्ने जनाइएको छ ।

यो योजना सीमित अवधीका लागि रहने र शर्त तथा नियमहरु लागु हुने कम्पनीले जनाएको छ ।