सुनको मूल्य लगातार बढ्दै, आइतबार पनि तोलामा २०० रुपैयाँ बढ्यो

नुवाकोट । सुनको मूल्य तीन दिन यता क्रमिक बढ्न थालेको छ। अन्तर्राष्ट्रिय बजारमा मूल्य बढ्न थालेको असर नेपाली बजारमा परेको व्यवसायीले बताएका छन्।

गत शुक्रबारका तुलनामा सुन तोलामा २ सय रुपैयाँले बढेको छ। आइतबारका लागि कारोबार मूल्य प्रतितोला ९० हजार ७ सय रुपैयाँ निर्धारण भएको नेपाल सुनचाँदी व्यवसायी महासंघले जनाएको छ। गत शुक्रबार पनि  तोलामा ६ सय रुपैयाँले बढेर प्रतितोला ९० हजार ५ सय रुपैयाँमा कारोबार भएको थियो।

 चाँदीको मूल्य भने आइतबार स्थिर छ। अघिल्लो दिनको भन्दा १० रूपैयाँ बढ्दा गत शुक्रबार प्रतितोला १३ सय रुपैयाँमा कारोबार भएको थियो।