विदुर नगरपालिकामा थप दुईजना कोरोना संक्रमित भेटिए

नुवाकोट । नुवाकोटको विदुर नगरपालिकामा थप २ जना कोरोना संक्रमित भेटिएका छन् ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लाका ७४ जनाको पिसिआर परिक्षण गर्दा २ जनामा कोरोना संक्रमण पुष्टि भएको हो । कोरोना संक्रमित दुबैजना विदुर नगरपालिकाका रहेका छन् । संक्रमित एक महिला र एक पुरुष रहेका छन् ।

यससँगै नुवाकोटमा कोरोना संक्रमितको संख्या एकहजार एकसय ७२ पुगेको छ । संक्रमितमध्ये एकहजार एकसय ४४ जना कोरोना मुत्त भएर घर फर्किएका छन् । संक्रमितमध्ये ७ सय ११ जना मात्रै विदुर नगरापालिकाका रहेका छन् ।

यस्तै नुवाकोटमा कोरोनाका सक्रिय संक्रमितको संख्या २७ पुगेको छ । संक्रिय संक्रमितमध्ये २६ जना होम आइसोलेसनमा र एक जना अस्पतालमा उपचाररत रहेको कार्यालयका सुचना अधिकारी उत्तम खनालले जानकारी दिए ।

नुवाकोटमा अहिलेसम्म ९ हजार ७ सय ७७ जनाको पिसिआर परिक्षण गरिएको छ । कोरोनाको कारण नुवाकोटमा एक महिलाको ज्यान गएको छ ।