उपाधिको लागि विदुर नगरपालिका र शिवपुरी गाउँपालिका भिड्दै

नुवाकोट । शिवपुरी गाउँपालिका सुनखानीमा जारी अन्तरपालिका स्तरीय शिवपुरी अध्यक्ष गोल्डकप फुटबल प्रतियोगिताको उपाधिको लागि विदुर नगरपालिका र शिवपुरी गाउँपालिका भिड्ने भएका छन्

आज हुने फाईनलमा दुवै टोली उच्च मनोवलका साथ मैदानमा उत्रदै छन् । विदुर नगरपालिकाले सेमिफाईनलमा किस्पाङ गाउँपालिकालाई ३–१ ले पराजित गर्दै फाइनल प्रवेश गरेको हो भने सुर्यगढी गाउँपालिकालाई ३–१ गोल अन्तरले पराजित गर्दै शिवपुरी गाउँपालिका फाइनलमा प्रवेश गरेको हो ।

प्रतियोगितामा विजेता टोलीले नगद ६ लाख र ट्रफी पाउनेछन् । त्यस्तै दोस्रो र तेस्रो हुनेले ट्रफीका साथमा नगद क्रमश ४ लाख र २ लाख पाउनेछन् ।

आगामी चैत्र २५ गतेसम्म संचालन हुने प्रतियोगितामा नुवाकोटकोे १२ स्थानिय तहको सहभागिता रहेको छ ।