कार्यकर्ता रिहाइ भएसँगै शनिबारको नुवाकोट बन्द फिर्ता

विदुर ÷ आफ्नो पक्राउ परेका कार्यकर्ता रिहाइ भएसँगै नेपाली कांग्रेस नुवाकोटले शानिबार घोषणा गरेको नुवाकोट बन्द फिर्ता लिएको छ ।

 

बिदुर नगरपालिका कार्यालयमा बिहिबार भएको तोडफोडको घटनामा संलग्न रहेको अभियोगमा शुक्रवार बिहान पक्राउ परेका नेपाल बिद्यार्थी संघका जिल्ला स्तरीय कार्यकर्ताहरु नवराज सुबेदी , निरज चित्रकार र उत्सव श्रेष्ठ रिहा भएका छन् ।

 

यसअघि नियन्त्रणमा लिएका कार्यकर्ताहरुलाई रिहाईको माग गर्दे शुक्रवार दिनभर काँग्रेस नेताहरुले पहल गरेपनि रिहा नभएपछि काँग्रेसले शुक्रवार साँझ मसाल जुलुस र शनिवार नुवाकोट बन्दको कार्यक्रम सार्वजनिक गरेको थियो ।