नेपाली काँग्रेस (वी पी) नुवाकोटद्धारा आगलागी पीडितलाई राहत वितरण

नुवाकोट । नेपाली काँग्रेस (वी पी) नुवाकोटले आगलागी पीडितलाई राहत वितरण गरेको छ ।

गत फागुन २२ गते घरमा आगलागी भई खाद्यान्न तथा लत्ताकपडा लगाएत सबै सामाग्री जलेर नष्ट भएका शिवपुरि गाउँपालिका वडा नम्बर ३ लिखु मैदानका नतुर तामाङलाई राहात वितरण गरिएको हो । हालसम्म पीडित परिवारलाई स्थानीय सरकार तथा कतैबाट पनि राहत वितरण नभएकोले उनलाई सहयोग गरिएको नेपाली काँग्रेस (वी पी) नुवाकोटले जनाएको छ ।

हालसम्म आफुलाई कसैले पनि राहात वितरण नगरेको पीडित नतुर तामाङले बताए । राहात वितरण गर्न नेपाली काँग्रेस (वी पी) जिल्ला कार्यसमिति नुवाकोटका सभापति श्यामबहादुर गुरुङ आफै पिडितको घर पुगेका थिए ।

नेपाली काँग्रेस (वी पी) जिल्ला कार्यसमिति नुवाकोटका सभापति श्यामबहादुर गुरुङले उनकै घरमा पुगेर खाद्यान्न, लत्ताकपडा र आर्थिक सहयोग गरेका थिए ।