पक्राउ परेका कार्यकर्ता रिहाइको माग गर्दै शुक्रबार नुवाकोट बन्दको घोषणा

विदुर खबर २०७५ साउन ११ गते १२:४३

विदुर , आफ्नो कार्यकर्ता पक्राउ गरेको विरोधमा नेपाली काङ्ग्रेसले भोली नुवाकोट बन्द आब्हान गरेको छ । आज बिहान आफ्ना  तीनजना कार्यकर्ताहरुलाई प्रहरीले पक्राउ गरेपछि आक्रोशित काङ्ग्रेसले जिल्ला बन्द गर्ने घोषणा गरेको हो ।

Advertisement

काङ्ग्रेस जिल्ला सचिव सुरेन्द्रराज अधिकारी द्वारा हस्ताक्षरित विज्ञप्तीमा जनाइए अनुसार विदुर नगरपालिकाले बढाएको एकिकृत सम्पत्ति करको विरोधमा नेपाली कांग्रेस निकट विभिन्न भातृ संघसंगठनहरुले बिहिबार नगरपालिकामा ज्ञापनपत्र बुझाउन जाँदा कार्यकर्तामाथी धरपकड भएको र आज आफ्ना कार्यकर्ता पक्राउ भएको बिरोधमा नुवाकोट बन्द घोषणा गर्दछौं भनिएको छ।

Advertisement

सचिव अधिकारीद्वारा जारी विज्ञप्तीमा प्रहरीले विनाकारण झुठो आरोपमा आफ्ना कार्यकर्ता पक्राउ गरेको आरोप लगाइएको छ । बन्द आफ्नो रहर नभई बाध्यता रहेकोले भोली एक दिन यातायत, बिधालय, उधोग, कलकारखाना बन्द गरी सहयोग गरिदिनुहुन आग्रह गरिएको छ । विदुर नगरपालिकामा ढुङ्गा हानेको आरोपमा नेपाल विद्यार्थी संघ नुवाकोटका नेता नवराज सुवेदी, उत्सव श्रेष्ठ र निरज चित्रकार आज बिहान पक्राउ परेका थिए ।

प्रतिक्रिया