बालाजु वाईपास सडक बिस्तारमा स्थानीयको अवरोध

नुवाकोट । बालाजु वाईपास सडक बिस्तारको काम स्थानीयले अवरोध गरेपछि रोकिएको छ । स्थानीयले शक्तिको आडमा जबरजस्ती घर भत्काएको भन्दै बालाजु बाइपास सडक विस्तारको विरोध गरेका हुन् ।

सडक बिस्तारका क्रममा हरेक ठाउँमा विवादले काम बीच मै रोकिने र आम नागरिकले सास्ती भोग्ने नियमित प्रचलन नै जस्तो नै भइसकेको छ । बालाजु बाईपास सडक बिस्तारले पनि त्यस्तै नियति भोगिरहेको छ । बालाजु बाईपासको साघुँरो सडक बिस्तार गर्ने भन्दै ९ वर्ष अघि तत्कालीन प्रधानमन्त्री डाक्टर बाबुराम भट्राईको पालामा सडक बिस्तार सुरु भएको थियो ।

तर विवादका कारण त्यस सडकले पुर्णता पाउन सकेको छैन । लामो समयसम्म सडक नबन्दा स्थानीय हिलो र धुलोका समस्या भोग्दै आएका छन् बालाजु बाइपासदेखि महेन्द्रपार्क क्षेत्रमा २ सय ६५ मिटरको सडक दुवै तर्फ ७÷७ मिटर गरी १४ मिटर चौडाई बनाइने भनिएपनि एक तर्फको मात्रै जग्गा अधिकरण गरेको भन्दै स्थानीयले अवरोध गरेका हुन् ।

बालाजु वाइपास क्षेत्रमा सडक विस्तारका क्रममा ३८ वटा घर भत्काइएको छ । सडक बिस्तारका क्रममा भत्काईएको घरको उचित क्षतिपुर्ति नपाएको स्थानीयको गुनासो छ । सडक बिस्तारका नाममा आफुहरुको उठिबास भएको भन्दै एकथरी स्थानीयले विरोध गरेकाछन भने सडक विस्तारको काम समयमै सम्पन्न गर्न अर्काे थरिले दवाव दिइरशेका छन् ।

यता सडक विस्तारको जिम्मा पाएको उपत्यका विकास प्राधिकरणले भने स्थानीयले पहिले देखि सरकारी जगा अधिकरण गरी बसेकाले सडक बिस्तारमा लागि मुअब्जा दिई काम थालनी गरेको बताएको छ ।

लामो समयदेखि बिस्तार हुने भनिएको सडक बिस्तार विवादका कारण मात्र नभइ बजेट अभावले पनि प्रभावित भएको छ । बजेट अभावका कारण पनि हाल सम्मको यो सडक विस्तारको प्रगती लगभग शुन्य छ ।